قازاقستان رەسپۋبليكاسى ۇكىمەتىنىڭ قاۋلىسى №1110

2015 جىلعى 29 جەلتوقسان,  استانا, ۇكىمەت ءۇيى ادۆوكات كورسەتەتىن زاڭ كومەگىنە اقى تولەۋ جانە قورعاۋ مەن وكىلدىك ەتۋگە بايلانىستى شىعىستاردى وتەۋ مولشەرىن بەلگىلەۋ تۋرالى 2015 جىلعى 31 قازانداعى قازاقستان رەسپۋبليكاسىنىڭ ازاماتتىق پروتسەستىك كودەكسىنىڭ 112-بابىنا, «ادۆوكاتتىق قىزمەت تۋرالى» 1997 جىلعى 5 جەلتوقسانداعى قازاقستان رەسپۋبليكاسىنىڭ زاڭى 5-بابىنىڭ 3-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. «ادۆوكاتتىق قىزمەت تۋرالى» قازاقستان رەسپۋبليكاسى زاڭىنىڭ 6-بابىندا كوزدەلگەن جاعدايلاردا ادۆوكات كورسەتەتىن زاڭ كومەگىنە اقى تولەۋدىڭ جانە قورعاۋ مەن وكىلدىك ەتۋگە بايلانىستى شىعىستاردى وتەۋدىڭ مىناداي مولشەرلەرى (بۇدان ءارى - اقى تولەۋ مولشەرى) بەلگىلەنسىن: 1) ءبىر ساعاتقا قازاقستان رەسپۋبليكاسىنىڭ زاڭناماسىندا بەلگىلەنگەن 1/10 ەڭ تومەنگى جالاقى مولشەرى; اسا اۋىر قىلمىس جاساعانى ءۇشىن كۇدىكتىنىڭ, ايىپتالۋشىنىڭ, سوتتالۋشىنىڭ, سوتتالعاننىڭ قورعاۋشىسى رەتىندە, سونداي-اق اسا اۋىر قىلمىس سالدارىنان جابىرلەنۋشى دەپ تانىلعان ادامنىڭ وكىلى رەتىندە قىلمىستىق ءىس بويىنشا ءىس جۇرگىزۋدىڭ كەز كەلگەن ساتىسىنا قاتىسۋ; اسا اۋىر قىلمىس جاساعانى ءۇشىن كۇزەتپەن قاماۋداعى قورعالۋشىمەن نەمەسە قىلمىستىق-اتقارۋ جۇيەسى مەكەمەسىندە جازاسىن وتەپ جاتقانمەن كەزدەسۋ; اسا اۋىر قىلمىس جاساعانى ءۇشىن كۇدىكتىنى, ايىپتالۋشىنى, سوتتالۋشىنى, سوتتالعاندى قورعاۋعا نەمەسە اسا اۋىر قىلمىس سالدارىنان جابىرلەنۋشى دەپ تانىلعان ادامنىڭ مۇددەسىندە انىقتاۋشىنىڭ, تەرگەۋشىنىڭ, پروكۋروردىڭ جانە سوتتىڭ ارەكەتىنە (ارەكەتسىزدىگىنە) جانە شەشىمىنە ءوتىنىشحاتتار, شاعىمدار, اپەللياتسيالىق, كاسساتسيالىق جانە وزگە دە شاعىمدار جاساۋ; 2) ءبىر ساعاتقا قازاقستان رەسپۋبليكاسىنىڭ زاڭناماسىندا بەلگىلەنگەن 1/15 ەڭ تومەنگى جالاقى مولشەرى: اۋىر قىلمىس جاساعانى ءۇشىن كۇدىكتىنىڭ, ايىپتالۋشىنىڭ, سوتتالۋشىنىڭ, سوتتالعانىڭ قورعاۋشىسى رەتىندە, سونداي-اق اۋىر قىلمىس سالدارىنان جابىرلەنۋشى دەپ تانىلعان ادامنىڭ وكىلى رەتىندە قىلمىستىق ءىس بويىنشا ءىس جۇرگىزۋدىڭ كەز كەلگەن ساتىسىنا قاتىسۋ; اۋىر قىلمىس جاساعانى ءۇشىن كۇزەتپەن قاماۋداعى قورعالۋشىمەن نەمەسە قىلمىستىق-اتقارۋ جۇيەسى مەكەمەسىندە جازاسىن وتەپ جاتقانمەن كەزدەسۋ; اۋىر قىلمىس جاساعانى ءۇشىن كۇدىكتىنى, ايىپتالۋشىنى, سوتتالۋشىنى, سوتتالعاندى قورعاۋ نەمەسە اۋىر قىلمىس سالدارىنان جابىرلەنۋشى دەپ تانىلعان ادامنىڭ مۇددەسىندە انىقتاۋشىنىڭ, تەرگەۋشىنىڭ, پروكۋروردىڭ جانە سوتتىڭ ارەكەتتەرىنە (ارەكەتسىزدىگىنە) جانە شەشىمىنە ءوتىنىشحاتتار, شاعىمدار, اپەللياتسيالىق, كاسساتسيالىق جانە وزگە دە شاعىمدار جاساۋ; 3) ءبىر ساعاتقا قازاقستان رەسپۋبليكاسىنىڭ زاڭناماسىندا بەلگىلەنگەن 1/21 ەڭ تومەنگى جالاقى مولشەرى: قىلمىستىق تەرىس قىلىق نەمەسە ونشا اۋىر ەمەس نەمەسە اۋىرلىعى ورتاشا قىلمىس جاساعانى ءۇشىن كۇدىكتىنىڭ, ايىپتالۋشىنىڭ, سوتتالۋشىنىڭ, سوتتالعاننىڭ قورعاۋشىسى رەتىندە, سونداي-اق قىلمىستىق تەرىس قىلىق نەمەسە ونشا اۋىر ەمەس نەمەسە اۋىرلىعى ورتاشا قىلمىس سالدارىنان جابىرلەنۋشى دەپ تانىلعان ادامنىڭ وكىلى رەتىندە قىلمىستىق ءىس بويىنشا ءىس جۇرگىزۋدىڭ كەز كەلگەن ساتىسىنا قاتىسۋ; اكىمشىلىك جاۋاپتىلىققا تارتىلعان ادامنىڭ اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزۋدىڭ كەز كەلگەن ساتىسىندا قورعاۋ; زاڭ كومەگىنە اقى تولەۋدەن جانە ازاماتتىق ءىس بويىنشا ءىس جۇرگىزۋدە وكىلدىك ەتۋگە بايلانىستى شىعىستاردى وتەۋدەن بوساتىلعان ادامعا وكىلدىك ەتۋ جانە ولاردى بيۋدجەت قاراجاتى ەسەبىنە جاتقىزۋ; قىلمىستىق تەرىس قىلىق نەمەسە ونشا اۋىر ەمەس نەمەسە اۋىرلىعى ورتاشا قىلمىس جاساعانى ءۇشىن كۇدىكتىنى, ايىپتالۋشىنى, سوتتالۋشىنى, سوتتالعاندى قورعاۋ نەمەسە قىلمىستىق تەرىس قىلىق نەمەسە ونشا اۋىر ەمەس نەمەسە اۋىرلىعى ورتاشا قىلمىس سالدارىنان جابىرلەنۋشى دەپ تانىلعان ادامنىڭ مۇددەسىندە انىقتاۋشىنىڭ, تەرگەۋشىنىڭ, پروكۋروردىڭ جانە سوتتىڭ ارەكەتتەرىنە (ارەكەتسىزدىگىنە) جانە شەشىمىنە ءوتىنىشحاتتار, شاعىمدار, اپەللياتسيالىق, كاسساتسيالىق جانە وزگە دە شاعىمدار جاساۋ; ونشا اۋىر ەمەس نەمەسە اۋىرلىعى ورتاشا قىلمىس جاساعانى ءۇشىن كۇزەتپەن قاماۋداعى نەمەسە قىلمىستىق-اتقارۋ جۇيەسى مەكەمەسىندە جازاسىن وتەپ جاتقان اداممەن نە اكىمشىلىك ۇستالعان اداممەن كەزدەسۋ; ادۆوكاتقا جۇگىنگەن جاعدايلاردا جەكە تۇلعالارعا قۇقىقتىق كەڭەس بەرۋ; 4) ايىپ تاعىلعان قىلمىستىڭ ساناتىنا قاراي قازاقستان رەسپۋبليكاسىنىڭ قىلمىستىق پروتسەستىك كودەكسىنىڭ 64-بابىنىڭ ءۇشىنشى بولىگىندە بەلگىلەنگەن مەرزىمدەر وتەتىن تۇنگى ۋاقىتتا, دەمالىس جانە مەرەكە كۇندەرى كەيىنگە قالدىرۋعا بولمايتىن, كۇدىكتىدەن جاۋاپ الۋعا قاتىسقان ءبىر ساعات ءۇشىن وسى قاۋلىنىڭ 1-تارماعىنىڭ 1) - 3) تارماقشالارىندا بەلگىلەنگەن اقى تولەۋ مولشەرىنەن 1,5; 5) ادۆوكاتتىڭ تەرگەۋ نەمەسە وزگە دە ءىس-قيمىلدىڭ باستالۋىن, سوت وتىرىسىنىڭ باستالۋىن نەمەسە ونى كەيىنگە قالدىرعان جاعدايدا جالعاسىن كۇتكەن ۋاقىتى ءۇشىن وسى قاۋلىنىڭ 1-تارماعىنىڭ 3) تارماقشاسىندا بەلگىلەنگەن اقى تولەۋ مولشەرىنەن 50 پايىز; 6) ناقتى ءىس بويىنشا قورعاۋ نەمەسە وكىلدىك ەتۋ ءۇشىن قازاقستان رەسپۋبليكاسىنىڭ شەگىندە باسقا جەرگە ىسساپارعا شىعۋعا بايلانىستى شىعىستاردى مەملەكەت قاراجاتى ەسەبىنەن قامتىلاتىن مەملەكەتتىك مەكەمەلەردىڭ قىزمەتكەرلەرى ءۇشىن بەلگىلەنگەن مولشەردە وتەۋ. 2. وسى قاۋلىعا قوسىمشاعا سايكەس قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانىلسىن. 3. وسى قاۋلى 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2015 جىلعى 29 جەلتوقسانداعى №1110 قاۋلىسىنا قوسىمشا قازاقستان رەسپۋبليكاسى ۇكىمەتىنىڭ كۇشى جويىلعان كەيبىر شەشىمدەرىنىڭ تىزبەسى 1. «مەملەكەت كەپىلدىك بەرگەن زاڭ كومەگىن كورسەتەتىن تۇلعالارعا ەڭبەكاقى تولەۋ, ادۆوكات كورسەتكەن زاڭ كومەگىن ەسەپكە الۋ جانە كونسۋلتاتسيا بەرۋگە, قورعاۋعا جانە وكىلدىك ەتۋگە بايلانىستى شىعىستاردى وتەۋ قاعيدالارى, سونداي-اق ونىڭ ەڭبەكاقى مولشەرى تۋرالى» قازاقستان رەسپۋبليكاسى ۇكىمەتىنىڭ 1999 جىلعى 26 تامىزداعى №1247 قاۋلىسى (قازاقستان رەسپۋبليكاسىنىڭ ءپۇاج-ى, 1999 ج., № 42, 384-قۇجات). 2. «قازاقستان رەسپۋبليكاسى ۇكىمەتىنىڭ 1999 جىلعى 26 تامىزداعى №1247 قاۋلىسىنا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2001 جىلعى 24 جەلتوقسانداعى №1683 قاۋلىسى (قازاقستان رەسپۋبليكاسىنىڭ ءپۇاج-ى, 2001 ج., № 48, 571-قۇجات). 3. «قازاقستان رەسپۋبليكاسى ۇكىمەتىنىڭ 1999 جىلعى 26 تامىزداعى №1247 قاۋلىسىنا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2005 جىلگى 30 قىركۇيەكتەگى № 978 قاۋلىسى (قازاقستان رەسپۋبليكاسىنىڭ ءپۇاج-ى, 2005 ج., №36, 503-قۇجات). 4. «قازاقستان رەسپۋبليكاسى ۇكىمەتىنىڭ 1999 جىلعى 26 تامىزداعى №1247 قاۋلىسىنا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 1 شىلدەدەگى №681 قاۋلىسى (قازاقستان رەسپۋبليكاسىنىڭ ءپۇاج-ى, 2010 ج., №41, 366-قۇجات). 5. «رەسپۋبليكالىق بيۋدجەت قاراجاتى ەسەبىنەن ادۆوكاتتار كورسەتەتىن زاڭ كومەگىنە اقى تولەۋ جانە قورعاۋ مەن وكىلدىك ەتۋگە بايلانىستى شىعىستاردى وتەۋدىڭ ەرەجەلەرى تۋرالى» قازاقستان رەسپۋبليكاسى ۇكىمەتىنىڭ 1999 جىلعى 26 تامىزداعى №1247 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 31 جەلتوقسانداعى №1579 قاۋلىسى (قازاقستان رەسپۋبليكاسىنىڭ ءپۇاج-ى, 2013 ج., №88, 1085-قۇجات).